म्याग्दी, फागुन-१५, बेनीस्थित न्यू वेष्ट प्वाइन्ट आवासीय माध्यमिक विद्यालयमा जिल्ला स्तरीय अन्तर मावि विषयगत हाजिरी जवाफ प्रतियोगिता सम्पन्न भएको छ विद्यालयमा गठित युवा रेडक्रस सर्कलद्वारा आइतबार प्रतियोगिता सम्पन्न भएको हो प्रतियोगितामा बेनीबजारस्थित प्रकाश माध्यमिक विद्यालय प्रथम, बेनी सामुदायिक माध्यमिक विद्यालय दोश्रो, माउण्ट एभरेष्ट आवासीय माध्यमिक विद्यालय तेश्रो र वेष्ट प्वाइन्ट आवासीय माध्यमिक विद्यालय सान्त्वना भएका छन् विजेता विद्यालयलाइ नगद पुरस्कार रु ८०००/–, रु ५०००/–, रु ३०००/–, रु १५००/–, प्रमाण पत्र र आर्कषक उपहार गरिएको थियो ।
कार्यक्रमका प्रमुख अतिथि नेपाल रेडक्रस सोसाइटी, म्याग्दीका सभापति अमर बानियाँले युरेस वेष्ट प्वाइन्टले गलेश्वर मन्दिर परिसरमा शिवरात्री, बालाचतुर्दशी र साउने सोमबारहरुमा नियमित रुपमा पुर्याएको स्वयंसेवा तथा बाढीपिडितहरुलाई खाजाखर्च कटाई गरेको सहयोगको प्रसंशा गर्दै थप सिर्जनात्मक र सेवामुलक कार्यका लागि प्रेरणा समेत प्रदान गर्नुभयो । विद्यालयका प्रिन्सिपल तथा युरेस संरक्षक डिवी दाहालले आफ्नो स्वागत मन्तव्यमा सम्पूर्ण अतिथिहरु र विभिन्न विद्यालयबाट सहभागी विद्यार्थीहरु स्वागत गर्दैै विषयगत हाजिरीजवाफ कार्यक्रमले विभिन्न कोणबाट एसईई तयारी गरिरहेका विद्यार्थीहरुलाई टेवा दिने राय व्यक्त गर्नुभयो ।
कार्यक्रममा प्वाइन्ट एजुकेशन फाउण्डेशनका अध्यक्ष यजनलाल शाक्य तथा संस्थापक /निर्देशकहरु सुदर्शन कुमार श्रेष्ठ, सुवास कुमार श्रेष्ठज्यू, शिक्षक अभिभावक संघका अध्यक्ष विष्णु कुमारी रोका, वेनी आवासीय माध्यमिक विद्यालयका प्रिन्सिपल मोहन अधिकारीज्यू, शिक्षक अभिभावक संघका सल्लाहकार तथा सदस्यहरु, विभिन्न विद्यालयका शिक्षक प्रतिनिधिहरुको र विद्यालयका शिक्षक र विद्यार्थीहरुको उपस्थिति रहेको थियो ।
हाजिरीजवाफ प्रतियोगिता भाइस प्रिन्सिपल तथा अतिरिक्त क्रियाकलाप संयोजक सरोज लकान्द्रीको सुपरभिजन तथा युरेस, न्यू वेष्ट प्वाइन्टका शिक्षक नायक सुदीप श्रेष्ठको संयोजनमा सम्पन्न भएको हो ।
हाजिरी जवाफ प्रतियोगिताको निष्पक्षता र प्रभावकारिताका लागि विभिन्न प्रतियोगी विद्यालयका शिक्षकहरुले तयार गरेको प्रश्नहरु सोधिएको थियो भने रेडक्रस राउण्डको प्रश्न नेपाल रेडक्रस सोसाइटी, म्याग्दीको सचिवालयबाट प्राप्त भएको विद्यालयले जनाएको छ।
