जलजला , माघ १९, लोक तथा दोहोरी गायक सुजन बराइलीको नयाँ गीत सार्वजनिक भएको छ सधै पृथक र मौलिक गीत सृजना गर्ने बराइलीले यस पटक फेरी अर्को गीत “मल्लाज दरबार” सार्वजनिक गर्नु भएको छ पछिल्लो समय एकपछि अर्को गरेर मौलिक गीत आउनेक्रममा बराइलीको मौलिक पञ्चेबाजा गीत सार्वजनिक भएको हो ।
गायक तथा सर्जक सुजन बराईलीको मौलिक पञ्चेबाजा ‘मल्लाज दरबार’ मा सुजन बराईली र देबी घर्तीको स्वर रहेको छ भने चर्चित गीतकार प्रल्हाद सुबेदीको शब्द रहेको छ । गीतमा गायक सुजन बराईली कै संगीत रहेको छ । यस गीतको भिडियोलाई सुजन बराईलीको जन्मभुमी मल्लाज, पर्वतका रमणिय स्थलहरु मुख्य गरेर एतिहासिक मल्लाज दरबारको सेरोफेरोमा छायांकन गरिएको छ ।
म्युजिक भिडियोलाई चर्चित निर्देशक कुमार कुसीले निर्देशन गरेका हुन् भने गीतको भिडियोमा शिशिर पौडेल र नारायणी खत्रीले अभिनय गरेका छन् । गीतलाई सुजन बराईली कै युटुब च्यानल मल्लाजी म्युजिकबाट सार्वजनिक गरिएको हो । बाईलीका यस भन्दा अघिका मौलिक सालैजो पन्चेबाजा लगायतका गीतले निकै चर्चा पाएका छन् ।
भिडियो
