जलजला, पुष-८, पर्बतको जलजला गाउँपालिका ३ बौरमा एक ब्यक्तीको शव फेला परेको छ । बौरबाट बासखर्क जाने बाटोको माथिपट्टि शव फेला परेको हो । बिहान ६.१५ बजे तिर मार्निंग वाक मा गएका बेला स्थानीय मनिषा पुन श्रेष्ठले बाटोको माथि पट्टि सब देखेपछी पर्बत बेनी प्रहरी चौकीमा खबर गरिएको थियो ।
अन्दाजी ३५ देखि ४० बर्षको उमेरको जस्तो देखिने उक्त शब् पुरुषको रहेको छ । खुटामा चप्पल जुत्ता केहि नलगाएको र शरीरमा नाइलनको ट्रयाक मात्रै लगाएको माथिल्लो शरीर नांगै र घोप्टो परेको अबस्थामा फेला परेको हो । टाउको र कानबाट रगत बगेको देखिने उक्त ब्यक्ती प्रारम्भिक अनुसन्धानको क्रममा घटनास्थलको प्रकृति हेरेर भीरबाट खसेर ज्यान गएको हुन सक्ने प्रहरीले बताएको छ ।
पाखोमा घास खर माडिएको देखिएको र ढुंगामा रगतका दाग देखिएकोले माथिबाट खसेको हुन सक्ने जिल्ला प्रहरी कार्यालय पर्वतका प्रहरी बरिस्बठ बरिस्ठ नायब निरीक्षक मोहन खड्काले बताउनुभयो । अहिले प्रहरीले शब् फेला परेको स्थललाई शिल गरेर अनुसन्धान गरिरहेको र शबलाई पोष्ट मार्टमका लागी नजिकैको बेनी अस्पातल म्याग्दीमा लैजाने तयारी भैरहेको प्रहरी निरीक्षक खड्काले बताउनु भयो ।
स्थानीय बाबुराम गिरीका अनुसार हिजो (बिहिबार) दिउसो ३:३० बजे तिर पानि मागेर पिएर उकालो (मल्लाज डिलफाट ) तिर लागेको बताउनुभयो उक्त ब्यक्तीलाई देख्ने हरुले मानिसक अबस्था ठिक नभएको बताएका छन् । घटनाको थप विवरण आउन बाकि छ ।
