मल्लाजी साहित्यकार केदार पौडेलको खण्डकाब्य “अधुरो जीवन”को बिमोचन

पर्बत मल्लाज भवापानी निवासी पौडेल नेपाल सरकारक अधिकृत पदको जागिरबाट सेवानिवृत भैसकेपछि  निरन्तर  साहित्य  सृजनामा लागिरहनु भएको  छ । पौडेलले  आफ्ना दाजु डिल्लीराम पौडेलको स्मृतिमा सृजना गरेको यो कृति  मोहनबहादुर मल्ल साहित्य प्रतिष्ठानले  प्रकाशन गरेको हो  । २०६१ सालमा स्थापना भएको साहित्य प्रतिष्ठानले मल्लाजमा साहित्यको उत्थानामा अमहत्वपुर्ना कार्य गर्दै आइरहेको छ ।

मल्लाज सहकारी संस्थाको सभाहल, माझफाटमा खचाखच उपस्थित  साहित्यानुरागीको उपस्थितिमा कार्यक्रमका प्रमुख अतिथि डा. कुशुमाकार न्युपानेले साहित्यको श्री बृद्दीका लागी निरन्तर लागिपरेका पौडेलको साहित्यिक यात्रा सफललाको कामना गर्दै  परिष्कृत भाषामा लिखित खण्डकाव्य अत्यन्तै  मार्मिक र सन्देशमुलक रहेको बताउनुभयो । उहाँले पर्वत जिल्ला चेतनाको दृष्टिले धेरै अगाडि रहेको यो उत्तरी भेगमा मोहन बहादुर मल्ल जस्ता साहित्यकार जन्मभएको थलो भएकोले यसको साहित्यिक प्रभाव रहिरहेको बताउनुभयो । यसलाई अझै बढाउन पौडेल जस्ता साहित्यकारले निरन्तरता दिइ रहेकोमा प्रशंसा गर्नु भयो ।

कृति बिमोचन कार्यक्रममा  म्याग्दीका साहित्यकार गणनाथ पौडेल, पर्बत शंकर पोखरीका झलक पौडेल र शशिधर सापकोटाले  कबिता बाचन गर्नु भएको थियो । बिमोचित कृति अधुरो जीवनको समालोचक रामप्रसाद सुबेदीले समालोचना गर्नु भएको थियो ।कार्यक्रममा साहित्यकार मोहन बहादुर मल्लका छोरा प्रकाश बहादुर मल्लको समेत उपस्थिति रहेको थियो  ।

साहित्यिक कृति बिमोचन कार्यक्रममा  गुरूङ चलचित्रका महानायक मानिने पोखरा निवासी ताराबहादुर गुरूङको  राष्ट्रियताले ओतप्रोत भएको  १०मिनेटको प्रस्तुति अन्तर्गत  सुन्दर नृत्यले कार्यक्रमलाई मनमोहक बनाएको थियो । कार्यक्रम मोहन बहादुर मल्ल साहित्य प्रतिष्ठानका कार्यबाहक अध्यक्ष हरिप्रसाद पौडेलको अध्यक्षता, सचिव गोपाल आचार्यको संचालनमा सम्पन्न कार्यक्रममा मनोहर पौडेलले संचालन गर्नु भएको थियो ।

साहित्यकार  पौडेलका यसभन्दा अघि  हम्पाल र मल्लाज दुइवटा कबिता संग्रह  प्रकाशित भैसकेका छन् ।