म्याग्दी, असोज-१२, म्याग्दीको बेनी स्थित नारी जागृति महिला बिकास बहुद्देश्यीय सहकारी संस्थाद्वारा एक दिने क्षमता अभिबृद्दी तालिम सम्पन्न भएको छ । बुधबार बेनीमा आयोजित कार्यक्रममा संस्थाका संचालक समिति, उपसमिति र कर्मचारीहरुका लागी एकदिने क्षमता अभिबृद्दी तालिम र बिजया दशमी २०७९ को अवसरमा शुभकामना आदान प्रदान कार्यक्रम सम्पन्न भएको हो ।
कार्यक्रममा प्रमुख अतिथि म्याग्दीका सहायक प्रमुख जिल्ला अधिकारी अर्जुन शर्माले महिलाद्वारा सञ्चालित सहकारी आफ्ना लक्ष्य र उद्देश्य पुरा गर्नका लागी सामाजिक बिकास कार्यालयसंग समन्वय गरेर जादा अझै सजिलो हुने बताउनुभयो ।
त्यसैगरी कार्यक्रमका प्रमुख प्रशिक्षक राष्ट्रिय सहकारी बिकास बैंक गण्डकी प्रदेशका संयोजक रामबहादुर जिसीले सहभागीलाई वित्तीय शाक्षरता लगायतका बिषयमा प्रशिक्षण दिनुभएको थियो । त्यसैगरी सामाजिक बिकास कार्यालय म्याग्दीका प्रमुख तथा कार्यक्रमका सहजकर्ता रमेश थापाले सामाजिक बिकासमा सहकारीको भूमिका बिषयमा प्रस्तुतीकरण गर्नु भएको थियो ।
कार्यक्रम नारी जागृति महिला बिकास बहुद्देश्यीय सहकारी संस्थाका अध्यक्ष चिना बानियाको अध्यक्षता, सहायक प्रमुख जिल्ला अधिकारी अर्जुन शर्माको प्रमुख आतिथ्यता, लेखा समितिका संयोजक पशुपती शाहीको स्वागत र संचालन उपाध्यक्ष दिलु बिटालुको संचालनमा सम्पन्न भएको थियो ।
