पर्वत, भदौ-१६, लगातारको वर्षाका कारण मध्यपहाडी लोकमार्गको पोखरा–बागलुङ सडकखण्ड अवरुद्ध भएको छ। पर्वतको कुश्मा नगरपालिका र मोदी गाउँपालिकाका बिभिन्न ठाउँमा पहिराको खसेका कारण गए रातिदेखि नै सडक अवरुद्ध भएको हो । यसअघी मंगलबार साँझ पहिराका कारण बन्द भएको सडक बुधबार दिनभर लगाएर खोलिएको थियो ।
ठूला–ठूला ढुङ्गा सडकमा झरेका कारण र वर्षा नरोकिएकाले सडक खुलाउन समस्या भएको जिल्ला ट्राफिक प्रहरी कार्यालयका प्रमुख सुमन न्यूरेले जानकारी दिनुभयो ।
सडक अवरुद्ध हुँदा पर्वत, बागलुङ, म्याग्दी र मुस्ताङबाट छुटेका अन्य सवारीसाधन बीचबाटोमै रोकीएका छन् ।
