जलजला, साउन-२७, साना किसन सहकारी संस्था मल्लाजको भवन सिलान्यास सम्पन्न भएको छ । बिहिबार पर्वतको जलजला गाउँपालिका -३ माझफाटको साना किसान बहुद्देश्यीय सहकारी संस्थाको भवन सिलान्यास भएको हो । भवनको जलजला गाउँ पालिकाका अध्यक्ष राजु आचार्यले सिलान्यास गर्नु भएको थियो ।
भवन सिलान्यास गर्दै आचार्यले साना किसान सहकारी संस्थाले जनताको आय आर्जनमा पुर्याएको सहयोग र जनतामा बचतगर्ने बानीको बिकास भएकोमा प्रशंसा गर्नुभयो । उहाँले कृषि क्षेत्रमा अझै लगानी बढाउदै जानुपर्नेमा जोड दिनुभयो । कार्यक्रममा जलजला २ का अध्यक्ष प्रकाश जिसी र ३ का अध्यक्ष एकिन्द्र खत्री समेतको उपस्थिति रहेको थियो ।
सिलान्यास कार्यक्रम संस्थाका अध्यक्ष शशी शर्मा आचार्याको अध्यक्षता, प्रबन्धक सनिता कार्कीको संचालनमा सम्पन्न भएको थियो ।मल्लाजको माझफाटमा अबस्थित साना किसान सहकारी संस्थामा हाल एक हजार ५२ जना सदश्यहरु रहेका छन् । संस्थाले सहुलियत ब्याजमा ऋण प्रबाह बचत संकलन र कृषि पशुपालन र आय आर्जनका क्षेत्रमा लगानी गर्दै आइरहेको छ ।
