काठमाडौँ, असार-१, काठमाडौं महानगरपालिका–२९ कालिकास्थानस्थित ट्रिनिटी कलेजका सुरक्षा गार्डमाथि खुकुरी प्रहार गरेको आरोपमा ४ जना विद्यार्थीलाई पक्राउ गरिएको छ ।
पक्राउ पर्नेमा म्याग्दी घर भएका १८ वर्षीय जोसेन बानियाँ, रामेछापको मन्थली घर भएका १८ वर्षीय विपिन खत्री, ओखलढुंगा घर भएका १८ वर्षीय प्रतीक खतिवडा र काठमाडौंको टोखा घर भएका १८ वर्षीय सञ्जीव भण्डारी उर्फ अनमोल छन् । आरोपीहरु ट्रिनिटी कलेजमा मानविकी संकायमा ११ कक्षामा अध्ययनरत छन् ।
१० दिनअघि बास्केटबल खेल्दा भएको विवाद कारण दुई पक्षको बिचमा झगडा हुन लागेको थियो । सो झगडा सुरक्षा गार्डले छुट्याउन खोज्दा विद्यार्थीहरुले खुकुरी प्रहार गरेका थिए । जेठ ३१ मा खुकुरी प्रहारबाट घाइते भएका सुरक्षा गार्ड उपचारपश्चात डिस्चार्ज भएका छन् । रातोपाटी बाट
