जलजला, जेठ-१७, पर्वतको जलजला गाउँपालिकामा नेकपा एमालेका ६ जना सदस्य कार्यपालिकामा निर्वाचित भएका छन् । निर्वाचन अधिकृतको कार्यालयका अनुसार जलजला गाउँपालिकाको कार्यपालिका सदस्यमा नेकपा एमालेको महिला सदस्यहरु तर्फ ४ जना, बबि सुबेदी, सुनिता खत्री, माया कुमारी भुसाल, बिमला बरुवाल केसी तथा दलित अल्पसख्यक तर्फ २ जना भिम बहादुर दमाईं र भिमसेन बहादुर बिक निर्वाचित भएका हुन् ।
जलजला गाउँपालिकामा एमालेका २६ जना गाउँ सभा सदस्य छन भने गठबन्धन तर्फ कांग्रेसका १० र माओवादी केन्द्रका ११ जना रहेका छन् । कार्यपालिका सदस्यहरुको निर्वाचनमा गठबन्धनको तर्फबाट २१ र एमालेको पक्षमा २६ जनाले मतदान गरेका थिए ।
