पर्वत, जेठ-१६, जिल्लाको मोदी गाउँपालिकामा नेकपा एमालेका ६ जना सदस्य कार्यपालिकामा निर्विरोध निर्वाचित भएका छन् । निर्वाचन अधिकृतको कार्यालयका अनुसार मोदी गाउँपालिमा एमालेका महिला सदस्यहरु तर्फ ४ जना र दलित अल्पसख्यक तर्फ २ जना गरी कुल ६ जना निर्विरोध निर्वाचित भएका हुन् ।
यसरी निर्वाचित हुनेहरुमा निर्वाचित महिला सदस्यहरु तर्फ लक्ष्मी विक, कृष्णकुमारी मल्ल, शान्ता आले र सन्तोषी विक छन् । उनीहरु यस अघि वडा सदस्यमा निर्वाचित भएका सदस्यहरु हुन् । यसैगरी दलित, अल्पंख्यक कोटामा नयाँ सदस्यहरु निर्वाचित हुने प्रावधान अन्तर्गत रिता सुनार र डिलमाया नेपाली पनि निर्विरोध निर्वाचित भएका छन् ।
गठबन्धनको तर्फबाट कांग्रेस र माओवादीले आफ्नो पाटीको तर्फबाट उमेदवार नउठाए पछि एमालेको सिंगो प्यानल नै निर्विरोध भएको हो । पर्वत न्युजबाट साभार
