सेना, प्रहरी र शसस्त्रको ३ घेरामा यसरी हुँदैछ पर्वतमा स्थानीय तहको निर्वाचन

पर्वत, बैशाख-२८,  वैशाख ३० गते हुने स्थानीय तहको निर्वाचनको लागि पर्वत जिल्लामा सुरक्षा ब्यवस्था कडा बनाइएको छ । प्रमुख जिल्ला अधिकारी नारायण प्रसाद सापकोटाका अनुसार नेपाली सेना, शसस्त्र प्रहरी र नेपाल प्रहरीको ३ वटा टोली निर्वाचनमा परिचालन गरिएको छ । नेपाल प्रहरीसंगै म्यादी प्रहरीलाई समेत निर्वाचनमा परिचालन गरिएको छ ।

प्रमुख जिल्ला अधिकारी सापकोटाका अनुसार प्रत्येक बुथमा ५ जना शसस्त्र प्रहरीले बाहिरी घेरामा सुरक्षा प्रदान गर्दछन् भने ३ जना नेपाल प्रहरीसंग ८ जना म्यादी प्रहरीले सुरक्षा दिनेछन् । बुथको बाहिरी घेराहरुमा मात्र नेपाली सेना परिचालन गरिएको छ ।

प्रत्येक गाउँपालिकमा शसस्त्र प्रहरीको ३ वटा टिमले सुरक्षा दिईरहेका छन । यसैगरी ३ वटा नेपाल प्रहरीको टोलीले प्रत्येक गाउँपालिकामा गस्ती गरीरहेको छ । नेपाली

सेनाले समेत जिल्लाको कुश्मा, फलेवास लगाएतका स्थानहरुमा तेस्रो घेरामा बसेर सुरक्षा ब्यवस्था मिलाएको प्रमुख जिल्ला अधिकारी सापकोटाले जानकारी दिए । जिल्ला भर ७४० जना म्यादी प्रहरीले नेपाल प्रहरीसंग सुरुक्षा ब्यवस्थापनमा सहयोग गरीरहेका छन् ।

निर्वाचनका लागि जिल्ला भर ९ सय भन्दा बढि कर्मचारी परिचालन गरिएको छ ।