जलजला, जेठ-११, मल्लाज माझफाट स्थित महिला सचेना केन्द्रले नव निर्वाचित जनप्रतिनिधिलाई बधाई तथा शुभकामना प्रदान गरेको छ । स्थानीय निर्वाचन २०७९ मा जलजला गाउँपालिका वडा नं २,३ र ४ का जनप्रतिनिधिहरुलाई केन्द्रले एक कार्यक्रमका बीच बधाई तथा सम्मान गरेको हो ।
कार्यक्रममा जनप्रतिनिधिहरुले सम्पूर्ण मतदाताहरुलाई धन्यबाद ज्ञापन गरेका थिए । उनीहरुले आफुले सधै जनपक्षीय कार्यगर्ने प्रतिबद्दता ब्यक्त गरेका छन् । महिला सचेतना केन्द्रले मल्लाजमा महिला शिक्षा, सचेतना, महिला अधिकार लगायतका क्षेत्रमा कार्यगर्दै आइरहेको छ । समाजमा महिलाको अवस्था माथि नउठे सम्म सामाजिक बिकास असम्भव हुनेहुदा महिला सचेतना केन्द्रले गरेको कार्यको प्रशंशा गरेका छन् ।
कार्यक्रममा संचारिका समूह गण्डकी प्रदेशका सदस्य देवी जिसी, साहित्यकार चन्द्रबहादुर लामिछाने, तुलसी पौडेल , प्रकाश जिसी, साविक माझफाँट गाविसका अध्यक्ष कार्यक्रमका विशेष अतिथि रामबहादुर लामिछाने लगायतले मन्तब्य ब्यक्त गर्नु भएको थियो ।
बधाई तथा शुभकामना कार्यक्रम लालबहादुर अधिकारीको प्रमुख आतिथ्यता, महिला सचेतना केन्द्रका अध्यक्ष शान्ति जिसीको अध्यक्षतामा केन्द्रका सचिव मिना खत्री र स्वागत बाल कुमारी कार्कीले गरेका थिए ।
