पर्वत, बैशाख-८, बालिकालाई बलात्कार गरेको आरोपमा एक जनालाई प्रहरीले पक्राउ गरेको छ । पक्राउ पर्नेमा जलजला गाउँपालिका-३ बारीबेनी बस्ने म्याग्दी बेनी नगरपालिका-४ सुर्केमेलाका २१ वर्षीय युवक रहेका छन् ।
उनलाई बिहीबार साँझ प्रहरीले पक्राउ गरेको हो । प्रहरीका अनुसार मादक पदार्थ सेवन गरेका उनले ती बालिकालाई शौचालयमा बलात्कार गरेका थिए ।
जिल्ला प्रहरी कार्यालय पर्वत र प्रहरी चौकी बारिबेनीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
