काठमाडौँ, चैत-४, कक्षा १२ को परीक्षा आगामी जेठ १६ गतेदेखि हुने भएको छ। शुक्रबार बसेको राष्ट्रिय परीक्षा बोर्डको बैठकले जेठ १६ गते देखि परीक्षा संचालन गर्ने गरे तालिका सार्वजनिक गरेको हो ।
बोर्डले यस वर्ष पनि कक्षा १२ को प्रश्नपत्र हरेक परीक्षा केन्द्रमा अनलाइन माध्यमबाट नै पठाउने तयारी गरेको छ । कोभिड १९ को कारण बोर्डले गत वर्षदेखि प्रश्नपत्र प्रकाशन गर्न छोडेको हो । परीक्षा बोर्डले अनलाइन माध्यमबाट पठाउने प्रश्नपत्र परीक्षाकेन्द्रले आफैं प्रिन्ट गर्नुपर्नेछ ।
गत वर्ष अनलाइनबाट प्रश्नपत्र पठाउँदा भएको समस्या सुधार्दै प्रश्न पत्र पठाउने तयारी गरेको बोर्डले जनाएको छ । राष्ट्रिय परीक्षा बोर्डका अनुसार करिब ४ लाख विद्यार्थीले यस वर्ष कक्षा १२ को परीक्षा दिनेछन् । बोर्डकाअनुसार विद्यार्थीको भौतिक उपस्थितिमा नै परीक्षा सञ्चालन गरिनेछ ।
