पर्वत, माघ-३, पर्वतको अम्बोटमा बस र मोटरसाइकल ठोक्किदा एक जनाको ज्यान गएको छ । सोमबार दिउसो पोखराबाट पर्वततर्फ आउदै गरेको ग ६ प ५५७३ नम्बरको मोटरसाइकल र बाग्लुङबाट बर्दिया तर्फ जादै गरेको ग २ ख १०१३ नम्बरको बस मोदि गाउँपालिका वडा नं ५ अम्बोट भन्ने ठाउँमा एक आपसमा ठोकिदा दुर्घटना भएको हो । दुर्घटनामा मोटरसाइकल चालक पर्वतको महाशिला गाउँपालिका वडा नं २ भोक्सिन्गका ३८ वर्षीय प्रितम गुरुङको ज्यान गएको हो । दुर्घटनामा परेर गम्भीर घाइते भएका गुरुङ्गको उपचारको क्रममा पर्वत अस्पतालमा मृत्यु भएको जिल्ला प्रहरी कार्यालय पर्वतका प्रहरी निरीक्षक राजेन्द्र अधिकारीले जनाकारी दिएका छन् ।
बसमा सवार यात्रु भने सकुसल रहेका छन् ।मोटरसाइकल र बस दुवै तिब्र गतिमा हुइकिएकोले दुर्घटना भएको प्रहरीको प्रारम्भिक अनुमान रहेको छ ।
