जलजला, माघ-९, पर्वतको जलजला गाउँपालिका -२ स्थित समाजकल्याण आधारभूत विद्यालयमा गोरख बहादुर लामिछाने तेश्रो स्मृति दिवस मनाइएको छ । कार्यक्रमका अवसरमा विद्यालयका विद्यार्थीहरुलाई शैक्षिक सामाग्री र पोशाक वितरण गरिएको छ । पुर्व शिक्षक लक्ष्मी केसी लामिछानेद्वारा आफ्ना स्वर्गबासी ससुराको स्मृतिमा स्थापना गरिएको अक्षय कोषको ब्याजबाट शैक्षिक सामग्री र पोशाक वितरण गरिएको हो । केसीले आफ्ना स्वर्गीय ससुराको स्मृतिमा विद्यालयमा ५० हजार रुपियाँको अक्षय कोष स्थापना गर्नुभएको छ । यसबर्ष सो कोषको ब्याजबाट ५ हजार ७ सय ७० बराबरको सामाग्री प्रदान गर्नु भएको हो ।
साथै सोहि कार्यक्रममा मल्लाजका युवा समाजसेवि बबी जिसीले आफ्नो जन्मदिनको अवसरमा अभिभाबक बिहिन एक विद्यार्थीलाई विद्यालय पोशाक शैक्षिक सामाग्री प्रदान गर्नु भएको छ। साथै उहाँले विद्यालयलाई नगद ५ जहार समेत सहयोग गर्नु भएको छ ।
कार्यक्रममा मल्लाज कोरिया समाजका पुर्व अध्यक्ष बाबुराम कार्की, पुर्व प्रधानाध्यापक ओम बहादुर जिसी, अमृत आदर्श प्याराडाइज एकेडेमीका प्रिन्सिपल इन्द्र बहादुर अधिकारी, नेकपा माओबादी केन्द्र वडा नं २ का अध्यक्ष राम बहादुर नेपाली र अक्षय कोषका संस्थापक परिवारका तर्फबाट सदस्य बबिता केसी लामिछानेले शुभकामना मन्तब्य ब्यक्त गर्नु भएको थियो ।
स्मृति दिवस विद्यालय ब्यबस्थापन समितिका अध्यक्ष बाग्बिर दमाईको अध्यक्षता, जलाजला गाउँपालिकाका सामाजिक तथा शिक्षा विकास समितिका संयोजक वडा नं २ का अध्यक्ष गोबिन्द खत्रीको प्रमुख आतिथ्यता, नेपाली कांग्रेस जलजलाका सभापति इन्दु शर्मा पौडेलको बिशेस उपस्थिति र विद्यालयका प्रधानध्यापक डम्बर बहादुर जिसीको स्वागतमा सम्पन्न भएको थियो ।
