म्याग्दीमा एकै दिन थपिए २५ संक्रमित

बेनी, माघ-४,  म्याग्दीमा पछिल्लो २४ घण्टामा थप २५ जनामा कोरोना संक्रमण पुष्टि भएको छ । गण्डकी प्रदेशको स्वास्थ्य निर्देशनालय पोखराका अनुसार एन्टिजेन परिक्षणबाट १६ र पीसिआर परिक्षणबाट ९ गरी २५ जना कोरोना संक्रमित भएको जनाएको छ ।

पछिल्लो समय देशभर नै कोरोना संक्रमितको संख्यामा वृद्धि भएको छ । यसका साथै म्याग्दीमा पनि केही दिन यता कोरोना संक्रमणको दरमा वृद्धि हुनथालेको छ ।

उता छिमेकी जिल्ला पर्वतले भने कोरोना संक्रमणलाइ नियन्त्रण गर्न माघ ५ गते देखि लागु हुनेगरि जिल्लाभर निषेधाज्ञा जारी गरेको छ ।