जलजला, मङ्सिर-१५, पर्वतको जलजला-५ लेखफाटमा बृद्ध बृद्धालाइ न्यानो कपडा वितरण गरिएको छ । वडाका सम्पूर्ण ८० वर्ष भन्दा माथिका बृद्ध-बृद्धालाई कम्बल र ज्याकेट वितरण गरिएको हो । चिसो मौसममा जाडोबाट बच्न र उहाँहरुको स्वास्थ्य प्रति ख्याल गर्दै वडाले ७६ जनालाइ ज्याकेट र कम्बल बितरण गरेको हो ।
जलजला गाउँपालिका वडा न- ५ को कार्यालयमा मंगलबार एक कार्यक्रमका बीच ३० जनालाइ उक्त कम्बल ज्याकेट प्रदान गरिएको र हिडेर आउन नसक्नेहरुलाई घर घर मै पुर्याइदिने वडाध्यक्ष तिलक बहादुर जिसीले बताउनुभयो न्यानो कपडा वितरण कार्यक्रममा जलजला गाउँपालिकाका उप-प्रमुख सिमा गर्बुजा पुनको समेत उपस्थिति रहेको थियो ।
