म्याग्दी, कार्तिक-२५, कालिगण्डकी नदीमा एक युवतीको शव फेलापरेको छ । बिहीबार दिउँसाे एक युवतीकाे शव कालिगण्डकी नदीको बीच ढुङाको खोचमा फेला परेकाे हो ।
अन्दाजी १२:३० बजेकाे समयमा म्याग्दीकाे बेनी नगरपालिका-८ डल्लेपिपल र पर्वतकाे जलजला गाँउपालिका-३ बौर स्थित कालिगण्डकी नदीको बीच ढुङाको खोचमा उनकाे शव फेला परेकाे प्रहरीले जनाएको छ ।
नदीको खोचमा फेला परेको युवतीको शव म्याग्दीकाे रघुगंगा गाँउपालिका-२ भगवती बस्ने वर्ष अन्दाजी २८ वर्षकी उजेली परियारको रहेको जनाइएको छ
शवको पहिचान भएकोले परिवारले शव बुझिसकेको र भोलि पोष्ट मार्टम हुने बताइएको छ । घटनाबारे थप अनुसन्धान भइरहेकाे प्रहरीकाे भनाइ छ ।
