पर्वत, असोज-१, जनता समाजवादीका जिल्ला अध्यक्ष सहितका नेताहरु नेकपा एमाले पर्वतमा प्रवेश गरेका छन् । एमाले पर्वतले भदौ ३१ गते कुश्मामा आयोजना गरेको जिल्ला स्तरीय अगुवा कार्यकर्ता भेलाको अवसरमा जसपाका जिल्ला अध्यक्ष ओम बहादुर भण्डारी सहितका नेता कार्यकताहरु एमालेमा प्रवेश गरेका हुन् ।
नेकपा एमालेका केन्द्रिय सचिव योगेश भट्टराई र पर्वत जिल्ला अध्यक्ष पदम गिरीले नव प्रवेशीहरुलाई टिका तथा खादा लगाएर एमालेमा स्वागत गरेका थिए । एमालेको जिल्ला भेलाको अवसरमा विभिन्न पाटीबाट झण्डै ३५ जना युवाहरु एमालेमा प्रवेश गरेको एमाले जिल्ला सचिवालय सदस्य बिमल लामिछानेले जानकारी दिए । भेलामा कांग्रेस, माओवादी र संघीय समाजवादीका जिल्ला भरका युवा कार्यकताहरु एमालेमा प्रवेश गरेका हुन् ।
पाटी प्रवेश गर्नेहरुमा चन्द्र बहादुर थापा, भीमलाल आचार्य, सन्तोष विक, भुवन केसी, कृष्ण श्रेष्ठ, कृष्ण कसी, मिन घिमिरे लगाएतका युवाहरु रहेका छन् ।
