म्याग्दी, भदौ-१४, बेनीको कलिपुलामा मध्यराती पहिरो खस्दा ३ जना घाइते भएका छन् । पर्वतको जलजला गाउँ पालिका ३ मल्लाज तर्फको माटेपानी नेरको डील भत्केर कालिगण्डकीमा खस्दा त्यसको छालले नदीको पानी बस्तीमा पसेको हो । छालका कारण बस्तीको पछाडी कालीगण्डकीको किनारतर्फ रहेका घरको शौचालय, टहरा र कोठा भत्किएका छन् ।
अहिले सम्म पनि स-सानो पहिरो झरिरहेको छ । राति करिव २ बजे एक्कासी ठुलो अवाज संगै पानीको छाल र हावासंग पानी छिरेर घर भत्किदा सो घरमा पाहुना बसेका दुइ महिला र डेरा गरि बस्ने एक महिला च्यापिएक थिए । उनीहरुलाई तत्कालै उद्दार गरि अस्पताल पुर्याइएको थियो । घाइतेहरुको बेनी अस्पतालमा उपचार भइरहेको छ । उनीहरु खतरामुक्त रहेका छन्
पहिरोले पर्बत -बेनी खानेपानी आयोजनाको जलजला गाउँपालिकाको ३ र २ बगरफाट तर्फ पानी आपूर्ति हुने करिव २ सय मिटर पाइप समेत बगाएको छ । पहिरोले पाइपलाइन बगाएपछि जलजला बगरफाँटमा खानेपानी आपुर्ति बन्द भएको छ ।
