म्याग्दी, साउन-२२, म्याग्दीका चर्चित कलाकार ध्रुब जिसी र मिलन विश्वकर्माको तीज गित सार्बजनिक भएको छ । नेपाली हिन्दु महिलाहरूको चाड तिजको अवसरमा ‘तिजको लखेटो’ बोलको गीत सार्वजनिक भएको हो । गीतमा ध्रुव जिसी, रामु रिजाल, शक्ति छिनाल, मिलन विश्वकर्मा र शान्ता परियारको आवाज रहेको छ।
साउन २१ गते एक कार्यक्रमा बीच गीत सार्वजनिक गरिएको हो । म्याग्दीका चर्चित र लोकप्रिय कलाकारहरुको समूह यो गीतमा आबद भएका छन् निकै पुरानो र मौलिक थेगोलाई टपक्कै टिपेर सर्जक जिसीले गीत निर्माण गर्नुभएको हो । धेरै पहिलादेखी सुन्दै आएको शब्द तिजको लखेटो दाइने पखेटो” भन्ने शब्दलाई राखेर गीत तयार पारिएको छ । आधुनिक शैलीमा तयार पारीए पनि गीत निकै राम्रो बनेको दर्शक र श्रोताले प्रतिक्रिया दिएका छन् ।
निर्देशन, गायन, लगायतका सबै कार्यमा म्याग्देली कलाकर्मी र सर्जकहरु रहेको गीत क्रियटिभ मिडिया प्रडक्सनले तयार परेको हो भने गीतको छायांकन, निर्देशन र सम्पादन भूपेन बाँनियाको रहेको छ। गायक जिसीको आफ्नै युट्युब च्यानलबाट गीत सार्वजनिक गरिएको हो ।
म्याग्दीका अग्रज गायिका धनाकुमारि थापाले गीतको शुभारम्भ गर्दै सम्पूर्ण टिमलाई शुभकामना समेत दिनुभएको छ । गीतमा सुनिल बाँनिया, देवेन्द्र घिमिरे, विज्ञान हमाल, शंकर पौडेल, कमल पौडेलसहित कलाकारको अभिनय रहेको छ। गायक जिसीले विस्तारै लोप हुँदै गएको भाकालाई संरक्षण गर्न गीत बजारमा ल्याइएको जानकारी दिनुभयो ।
भिडियो :
