तिलु शर्मा, दोहा, कतार, म्याग्दी प्रवासी नेपाली सङ्घ (मोना) अन्तर्राष्ट्रिय कार्यकारी समितिको चौथो महाधिवेशनको बेनीमा हुने भएको छ । प्रवासी म्याग्देलीहरुको साझा संस्था मोनाले आगामी अक्टोबर १९ र २० का दिन म्याग्दीको सदरमुकाम बेनीमा महाधिवेशन गर्ने जनाएको हो ।
सङ्घका अध्यक्ष ओम नारायण जुग्जालीकाले महाधिवेशनमा सहभागिता जनाउन हरेक राष्ट्रिय कार्यकारी समितिले १५ सेप्टेम्बरभित्र सचिवालयमा नामावलि पठाइसक्नु पर्ने बताउनु भयो। उहाँले लामो समयदेखि अधिवेशन नगरेका राष्ट्रिय कार्यकारी समितिले १५ सेप्टेम्बर भित्र नै अधिवेशन सम्पन्न गर्न समेत आग्रह समेत गर्नु भएको छ।
महासचिव बिक्रम कार्कीले महाधिवेशनमा प्रत्यक्ष उपस्थित हुन् नसक्नेहरूका लागि भर्चुअल मार्फत व्यवस्था गरिने बताउनुभयो । दसैँमा धेरै जना गृह जिल्ला फर्कने हुँदा सहभागिता पनि उच्च हुने अपेक्षा गरिएकोउहाँले बताउनुभयो । कोरोना प्रकोपको अवस्था अनुसार सङ्घले समयानुकूल निर्णय समेत गर्ने कार्कीले बताउनु भयो ।
म्याग्दीमा जन्मेर संसारभर छरिएका म्याग्देलीको छाता संगठन मोनाले जिल्लाका विकास निर्माण, शिक्षा स्वास्थ्य लगायत जिल्लामा आइपर्ने हरेक विपदको असस्थामा साथ् दिँदै आएको छ । गत सालको अविरल वर्षाका कारण म्याग्दीका विभिन्न स्थानका बाढी पहिरोबाट विस्थापित भएका परिवारहरूलाई २ करोड भन्दा बढीको लगानीमा ४० घर निर्माण हस्तान्तरण गरी सकेको छ । त्यसैगरी कोरोना महामारी विरुद्धको लडाइमा म्याग्दी जिल्लामा अक्सिजन कन्सर्नट्रेटर लगायतका स्वास्थ्य सामग्री उपलब्ध गराएको छ ।
