पर्वत, साउन-९, शनिबार गण्डकीका ३३३ जनामा कोरोना संक्रमण पुष्टि भएको छ । प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा ३३३ जनाको रिपोर्ट कोरोना पोजेटिभ आएको हो ।
आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका ३४० जनाको नमुना परीक्षण गर्दा ११८ जनाको रिपोर्ट पोजेटिभ आएको छ । यस्तै, तनहुँका ४१ जना, गोरखाका २१ जना, लमजुङका सात जना, नवलपुरका १२४ जना र स्याङ्गजाका आठ जनामा कोरोना पुष्टि भएको छ ।
यस्तै, पर्वतका दुई जना, बागलुङका नौ जना र म्याग्दी जिल्लाका तीन जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।
त्यसैगरी शनिबार गण्डकीमा थप चार जनाको मृत्यु पुष्टि भएको छ । आज मृत्यु पुष्टि हुनेमा कास्कीका एक, पर्वतका एक र स्याङ्गजाका दुई जना छन् ।
