पर्वत, असार-१२, बेनीबाट पोखरातर्फ जाँदै गरेको ट्याक्सी काडेमा दुर्घटना भएको छ । पोखराबाट नयाँपुलतर्फ आउंदै गरेको बस आज दिउसो सवा १२ बजे कास्कीको अन्नपूर्ण गाउँपालिका ३ काँडेमा एक आपसमा ठोक्किएर दुर्घटना भएको हो । दुर्घटनामा चार जना घाइते भएका छन् ।
ग १ ख ८१५५ नम्बरको बस र ध १ ज ४०३ नम्बरको ट्याक्सी ठक्कर खाँदा ट्याक्सीका चालकसहित ४ जना घाइते भएका छन् । घाइते हुनेहरुमा ट्याक्सी चालक सहित रघुगंगा गाउँपालिका १ की मनदेवी खड्का क्षेत्री र क्षेत्र बहादुर खड्का क्षेत्री तथा बेनी नगरपालिका ९ का किसान खत्री रहेका छन् । उघाइतेहरुको पाेखरास्थित विभिन्न अस्पातालहरुमा उपचार भइरहेकाे प्रहरीले जानकारी दिएकाे छ ।
मणिपाल अस्पतालमा उपचार हुँदै गरेका चालक सुवेदीको अवस्था सामान्य रहेको प्रहरीले जनाएको छ । त्यसैगरी क्षेत्रीद्धयको फिस्टेल अस्पतालमा उपचार भइरहेको छ उनीहरुको अवस्था मध्यम रहेको छ । त्यस्तै अर्का घाइते खत्रीको गण्डकी मेडिकल कलेजमा उपचार भइरहेको छ र उनको अवस्था मध्यम रहेको प्रहरीले जनाइएको छ ।
गण्डकी प्रदेश प्रहरी कार्यालय पोखराका प्रहरी नावय उपरीक्षक श्रवण कुमार बि.क.ले दिएको जानकारी अनुसार सवारी साधन र चालकलाई नियन्त्रणमा लिइ घटनाबारे थप अनुसन्धान भइरहेको छ ।
