पोखरा, असार-१२, पोखरा महानगरपालिकाले १३ गते आइतबारदेखि सबै सेवा सुचारु गर्ने भएको छ । कोरोना महामारीका कारण जिल्ला प्रशासन कार्यालयले जारी गरेको निषेधाज्ञासँगै अत्यावश्यकबाहेक सेवा बन्द थिए ।
महानगरका प्रमुख प्रशासकीय अधिकृत महेश बरालले शुक्रबार सूचना जारी गर्दै असार १३ गते आइतबारदेखि महानगरको नगर कार्यपालिकाको कार्यालय, महाशाखा/शाखाहरु र सबै वडा कार्यालयहरु सरकारले तोकेका स्वास्थ्य सुरक्षा मापदण्डहरु पूर्ण पालना गरी सेवा सुचारु गर्न अनुरोध गरेका छन् ।
जिल्ला प्रशासनले जारी गरेको निषेधाज्ञा असार ६ देखि केही खुकुलो गरिएकाले आइतबारबाट सबै सेवा सुचारु गर्ने निर्णय भएको महानगरले जनाएको छ ।
