पर्वत, जेठ-३१, पर्वत जिल्लामा एक साता (असार ७ गते रातीसम्म लागु हुने गरी( निषेधाज्ञा थप गरिएको छ । सोमवार बसेको जिल्ला कोभिड व्यवस्थापन समितिको वैठकले निषेधाज्ञा थप गर्ने निणर्य गरेको हो । जिल्लामा कोरोना भाईरसको जोखिम अझै कायम रहेकाले थप एक साता लम्वाएर असार ७ गतेसम्म निषेधाज्ञा जारी गरिएको प्रमुख जिल्ला अधिकारी देवी पाण्डे खत्रीले जानकारी दिनुभयो ।
यस अघि असार ३१ गते रातीसम्म जारी रहेको थियो । निषेधाज्ञामा एम्बुलेन्स, दमकल, शववहालन, खाद्यान्न, पशुपंक्षीका दाना, फलफुल, दरकारी, दुध तथा डेरीजन्य उत्पादन, माछा, मासु र कृषजन्य उपकरण, ग्याँस तगा पेट्रोलियम पदार्थ, विद्युत, खानेपानी र दुरसंचारका सजारी साधन संचालन गर्न दिईने भएको छ । औषधी, स्वास्थ्यकर्मी, र प्रेस पास भएका सवारीसाधन तथा सरकारी सवारीसाधनहरु निर्वाध रुपमा चल्न दिईने भएको छ ।
जिल्लाभर र अन्तरजिल्ला चल्ने सार्वजनिक र निजि सवारीसाधनहरु पूर्ण रुपमा बन्द हुनेछन् । अत्यावश्यक सेवा प्रवाह हुने कार्यालय संचालनमा आउने भएका छन् । सरकारी र लघुवित्त र विमा कम्पनीका कार्यालय पुणर् रुपमा बन्द हुने छन् । स्वास्थ्य सुरक्षा मपादण्ड पालना गरी बैंकहरु समेत पूर्ण रुपमा खुल्ने भएका छन् । यस अघि सातामा दुई दिनमात्र आलोपालो गरी संचालन हुने बैंक अव सवै दिन खुल्ने भएका हुन् ।
त्यसैगरी खाद्यान्न, फलफुल तथा तरकारी, स्टेशनरी र विकास निर्माणका सामाग्री विक्रि गर्ने पसलहरु विहान ६ बजेदेखि ११ बजेसम्म संचालन गर्न दिईने प्रमुख जिल्ला अधिकारी देवी पाण्डे खत्रीले जानकारी दिनुभयो । पर्वतमा दोस्रो लहरको कोभिडवाट १ हजार ५ सय ७५ जना संक्रमित भएका छन् भने १ हजार १ सय ७४ जना निको भएका छन् । पर्वतमा ३ सय ७९ जना संक्रिय संक्रमित रहेका छन् । ५३ जनाको कोरोनाका कारण ज्यान गएको छ ।
