पर्वत, जेठ-३०, रौतहटमा एक पुरुषले आफ्नै श्रीमतीलाई एसिड प्रहार गरेका छन् । अभियोगमा रौतहटकाे चन्द्रपुर नगरपालिका-४ चपुर चोक बस्ने ४२ वर्षीय पुरुषले ३८ वर्षीया श्रीमतीलाई एसिड प्रहार गरेका हुन् । श्रीमतीलाई एसिड प्रहार गर्ने श्रीमानलाई शनिबार साँझ प्रहरीले पक्राउ गरेको छ ।
घरायसी झै-झगडा हुँदा आफ्नै श्रीमतीलाई सुन पखाल्न प्रयोग हुने एसिड प्रहार गरेका थिए घटना भएको खबर प्राप्त हुनासाथ इलाका प्रहरी कार्यालय चपुरबार खटिएको प्रहरीले उनलाई नियन्त्रणमा लिएको जनाएको छ । घाइतेको चपुरस्थित एपोलो सिटी अस्पतालमा उपचार भइरहेको छ ।
घाइतेको अवस्था मध्यम रहेको र घटनाको सम्बन्धमा प्रहरीले थप अनुसन्धान गरिरहेको जनाएकाे छ ।
