पर्वत, जेठ-२५, जलजला २ टमिलाखर्क बासीले सडक डिभिजन कार्यालय बाग्लुंगमा ज्ञापन पत्र बुझाएका छन् । बस्तीलाई ख्याल नगरी सडक निर्माण गर्दा बस्ति जोखिममा परेकोले तमिलाखर्कका उपभोक्ताले बासीले सडक डिभिजन कार्यालय बाग्लुंगमा ज्ञापन पत्र बुझाएका हुन् ।
वारीबेनी-बगरफाट- बासखर्क सडक अन्तर्गत गौरेटे – बिमिराबोट सडक खण्डको तमिलाखार्कमा सडक निर्कमाण गर्दा करिव ३ सय मिटर सडकको माथील्लो भिरालो भागमा क्याबिन जाली नलगाई सडक बिस्तार गर्दा बस्ति पुरै जोखिममा परेको पहिरो प्रभावित समितिका संयोजक कृष्ण बहादुर कार्कीले बताएका छन् ।
अघिल्लो वर्ष नै बर्खामा पुरै जमिन धाजा फाटेको र बस्ति नै सारिएको थियो । यस बर्षको वर्षायाम शुरुहुन लाग्दा कुनै काम नथालिएकोले बाध्य भएर सडक डिभिजन कार्यालयमा निबेदन गर्नु परेको कार्कीले बताए । उनले भने “अघिल्लो वर्ष जनप्रतिनिधि र राजनैतिक दलका प्रतिनिधिले तत्कालै यसको समाधान गरिने बताएका थिए तर अहिले सम्म कुनै काम नभएकोले यस बर्षको बर्षायाम शुरु नहुदै संरक्षणको काम शुरु नगर्ने हो भने यो बर्ष बस्ति पक्कै बग्ने खतरा छ ।”
डिभिजन सडक कार्यालय बाग्लुंगका प्रमुखले तत्कालै स्थलगत निरीक्षण गरी संरक्षण गर्न मिल्ने नमिल्ने एकिन गरी तुरुन्तै कार्यान्वयन गरिने बताएक छन् ।
जलजलाका विभिन्न क्षेत्रमा अघिल्लो वर्ष बर्षायाममा पहिरोको जोखिम रहेका र बिस्थापित भएकाहरुका लागी कुनै काम हुन नसकेको र यस बर्षको मनसुन शुरुहुन लाग्दा सतर्कता र सावधानी अपनाउन सकिएन भने ठुली क्षती हुने कुरालाई नकार्न सकिन्न । जनप्रतिनिधि र सरोकारवाला भने कोरोना महामारीका कारण यस वर्ष निर्माण र बिकासका कार्ययोजना सम्पन्न हुन नसकेको बताउदछन् ।
