पोखरामा स्कुटर चोरीको आरोपमा पर्वतका एक युवा पक्राउ

पर्वत, जेठ-२३, पर्वतका एक युवा स्कुटर चोरीको आरोपमा पक्राउ परेका छन्  । पर्वतकाे कुश्मा न.पा. १४ घर भई हाल  कास्कीकाे पोखरा – ८ आलुमाईलाचोक बस्ने २४ वर्षीय चन्द्र बहादुर सुनारलाई चाेरी भएकाे स्कुटरसहित प्रहरीले पक्राउ गरेकाे हाे ।

उनलाई पोखरा स्वास्थ्य विज्ञान प्रतिष्ठान पाेखराकाे हाताभित्र पार्किङ गरी राखेको स्कुटर चाेरी गरेकाे अभियाेगमा प्रहरीले स्कुटर सहित पक्राउ गरेको हो  । रामघाटस्थित पोखरा स्वास्थ्य बिज्ञान प्रतिष्ठानको हाता भित्र पार्किङ गरी राखेको स्कुटर जेठ ८ गते बेलुकाकाे समयमा चाेरी भएकाे थियाे ।

वडा प्रहरी कार्यालय रामबजार पाेखराबाट खटिएकाे प्रहरी टाेलीले स्कुटर चोरी गर्ने  सुनारलाई पक्राउ गरी कानुनी कारवाही अगाडि बढाएकाे जनाएकाे छ ।