कैलाली, जेठ-१४, डोटीमा एक महिलालाई हत्याको प्रयास भएको छ । सुतिरहेकी ति महिलामाथि जिउँदै आगो लगाएर हत्या गर्ने प्रयास भएको हो । आदर्श गाउँपालिका वडा नम्बर– ४ रोडिङ्गे गाउँकी २८ वर्षीया लक्ष्मी भाटलाई आफ्नै पसलमा सुतिरहेको अवस्थामा अज्ञात व्यक्तिले आगो लगाइएर फरार भएका भएको प्रहरीले जनाएको छ ।
जिल्ला प्रहरी कार्यालय डोटीका एसपी दानबहादुर मल्लका अनुसार मध्यरातको समयमा भाटको शरीरमा आगो लगाइएको बुझिएको छ ।एसपी मल्लका अनुसार आगोले जलेर गम्भीर घाइते भएकी महिलाको राजपुरस्थित सुजंङ्ग अस्पतालमा उपचार भइरहेको छ । घाइतेको दुवै खुट्टा, अनुहार, पेट र दायाँ हातनराम्रोसंग जलेको अस्पताल प्रशासनले जनाएको छ ।
