पर्बत, जेठ-३, आज नेपाल कम्युनिष्ट पार्टी (एमाले)का तत्कालीन महासचिव एवम् जनताको बहुदलीय जनवादका प्रणेता मदनकुमार भण्डारी र सङ्गठन विभाग प्रमुख जीवराज आश्रितको स्मृति दिवस २०७८ आज विविध कार्यक्रम गरी मनाइँदै छ ।
२०५० साल जेठ ३ गते आजकै दिन दासढुंगामा भएको जिप दुर्घटनामा जबजका प्रणेता एवं जननेता भण्डारी र कुशल संगठक आश्रितको मृत्यु भएको थियो ।रहस्यमय रहेको यो घटनाको वास्तविक कारण अहिलेसम्म बाहिर आउन सकेको छैन ।
भण्डारी र आश्रितको मृत्यु भएको दिनको सम्झनामा हरेक वर्ष जेठ ३ गते विविध कार्यक्रमको आयोजना गरिन्छ । प्रधानमन्त्री केपी शर्मा ओलीले बुल्खुस्थित पार्टी मुख्यालय पुगेर त्यहाँ रहेको मदन–आश्रित शालिकमाथि माल्यापर्ण गर्दै छन् ।
यो वर्ष विश्वभर फैलिएको कोरोना भाइरसको महामारीका कारण औपचारिक भेला भएर कुनै पनि कार्यक्रम गर्न नसकिए पनि मदन भण्डारी फाउण्डेशनले मदन (आश्रित स्मृति दिवसको सन्दर्भमा समकालीन विश्व परिस्थिति र मार्क्सवादको सान्दर्भिकताु (पुस्तक परिचर्चा) का बारेमा ९ः३० बजे भर्चुअल कार्यक्रमको आयोजना गरेको छ ।
यसैविच प्रधानमन्त्री केपी शर्मा ओलीले २८ औं मदन–आश्रित स्मृति दिवसका सन्दर्भमा वक्तव्य जारी गर्दै नेपाल कम्युनिष्ट पार्टीलाई समृद्ध नेपाल, सुखी नेपालीको राष्ट्रिय आकांक्षाको च्याम्पियन बनाउने इमान्दार प्रयास सफल हुन नसकेको बताएका छन् । वक्तव्यमा उनले केही विभाजनकारी, अस्थिर र अवसरवादी सोचले लक्ष्य पूरा हुन नदिएको समेत बताएका छन् ।
