जलजला-३ मल्लाजामा अक्सिजन सहितको ७ बेडको आइसोलेसन सेन्टर स्थापना

पर्वत, बैशाख-२९, पर्बतको मल्लाजमा आइसोलेसन कक्ष स्थापना गरिएको छ । गाउँपालिकाको कोतघर स्थित वडा नं ३ को वडा कार्यालयमा ७ बेडको आइसोलेसन स्थापना गरिएको हो  । बैशाख २८ गतेको गाउँ कार्यपालिकाको निर्णय अनुसार अक्सिजन सहितको आइसोलेसन सेन्टर स्थापना गरिएको हो ।

बैशाख २९ गते साँझसम्म बेडको ब्यबस्थापन र अक्सिजन सिलिन्डर ल्याई आइसोलेसन कक्षालाई पूर्णता दिएको हो । आइसोलेसन सेन्टर स्थापना गर्न  जलजलामा गठन भएको  क्रियटिभ ग्रुपले सहयोग गरेको मल्लाजबाट डम्बर जिसीले बताउनु भएको छ ।

जलजलाको मल्लाज माझफाट क्षेत्र कोरोनको हट स्पट बनेको छ । अहिले मल्लाज क्षेत्रमा  ८४ जना सक्रिय संक्रमित रहेका छन् ।