दुइदिनको तुलनामा संक्रमित घटे, आज ३,३७० जनाले कोरोना जिते

पर्वत, बैशाख-२५, पछिल्लो २४ घण्टामा ८ हजार ४१८ जनामा कोरोना संक्रमण पुष्टि भएको छ । कोरोना संक्रमणबाट देशभर थप ५३ जनाको मृत्यु भएको छ । बिगत २ दिनको तुलनामा संक्रमित संख्या कमि आएको हो

त्यस्तै पछिल्लो २४ घण्टामा  ३ हजार ३७० जना कोरोना संक्रमणमुक्त भएका छन् । यो सँगै नेपालमा कोरोना संक्रमणमुक्त हुनेको संख्या २ लाख ९८ हजार ७६५ पुगेको छ ।

स्वास्थ्य  तथा जनसंख्या मन्त्रालयका अनुसार १७ हजार ३१५ नमुनाको पीसीआर परीक्षण गर्दा ८ हजार २८७ जना र ९८९ जनाको एन्टिजेन परीक्षण गर्दा १३१ जनामा कोरोना भाइरस (कोभिड–१९) को संक्रमण देखिएको हो ।

नेपालमा सक्रिय कोरोना संक्रमितको संख्या ८३ हजार ४९३ पुगेको छ भने कुल संक्रमित ३ लाख ८५ हजार ८९० जना पुगेका छन् । सक्रिय संक्रमितमध्ये ७८ हजार १८ जना होम आइसोलेसनमा रहेको मन्त्रालयले जनाएको छ ।