बैतडी, बैशाख- २१, बैतडीमा जीप दुर्घटना हुदा ४ जनाको मृत्यु भएको छ जिल्लाको पञ्चेश्वर गाउँपालिका–६रोडिदेवलको गणमेश्वर मन्दिर नजिकै जिप दुर्घटना हुँदा ४ जनाको घटनास्थलमै मृत्यु भएको हो ।
चट्याङ लागेर मृत्यु भएका पञ्चेश्वर गाउँपालिका–६ का वडा सदस्य गोविन्दसिंह भण्डारीको शव पोष्टमार्टमका लागि ल्याउँदै गरेको से१ज १२३ नम्बरको जिप दुर्घटनामा परेको हो।
दुर्घटनामा पञ्चेश्वर गाउँपालिका ६ का करिब ५० वर्षीय जीतसिंह भण्डारी, डम्मरसिंह भण्डारी, हिम्मत भण्डारी र दीपक भण्डारीको घटनास्थलमै मृत्यु भएको जिल्ला प्रहरी कार्यालयका प्रवक्ता प्रहरी निरीक्षक दर्शन खड्काले बताउनु भयो ।
दुर्घटनामा घाइते भएका ६ जनालाई उपचारका लागि जिल्ला अस्पताल पठाइएको छ । जिप सडकबाट करिब ५ सय मिटर तल खसेको बताइएको छ। साँघुरो घुम्तीमा जिप दुर्घटना भएको प्रहरीले जनाएको छ।
