कोरोना संक्रमणक कारण आज पर्वतमा एक जनाको मृत्यु

पर्बत, २१ बैशाख,  कोरोना संक्रमणबाट आज पर्वतमा एक जनाको मृत्यु भएको छ  । जिल्ला अस्पताल पर्वतमा उपचारको क्रममा ८४ वर्षीय वृद्धको मृत्यु भएको हो ।

पर्वतको कुश्मा नगरपालिका–४ का ८४ वर्षीय पुरुषको जिल्ला अस्पतालमा उपचारका क्रममा निधन भएको हाे । उहाँलाई बैशाख १९ गते संक्रमण पुष्टि भएको गण्डकी प्रदेश स्वास्थ्य निर्देशनालयले जनाएको छ ।

यस अघि आजै २ जना कोरोना संक्रमित पुरुषको पोखराको चरक मेमोरियल अस्पताल र मणिपाल शिक्षण अस्पतालमा उपचारको क्रममा निधन भएको छ । गण्डकी प्रदेशमा आज थप ३ जना पछि संक्रमणबाट निधन हुनेको संख्या २३५ पुगेको निर्देशनालयका निर्देशक डा विनोद विन्दु शर्माले जानकारी दिनुभएको छ ।