पोखरा, बैशाख-१३, कोरोना संक्रमणका कारण म्याग्दीमा एकजनाको ज्यान गएको छ । म्याग्दीको रघुगंगा गाउँपालिका –३ का ७८ वर्षीय पुरुष संक्रमितको मणिपाल शिक्षण अस्पतालमा उपचारको क्रममा मृत्यु भएको हो ।
त्यसैगरी गण्डकी प्रदेशमा म्याग्दीका १ जना सहित चार कोरोना संक्रमितको मुत्यु भएको छ । स्यांङ्जाका १ र पोखराका २ जना छन् ।आज मृत्यु भएका स्याङ्जा वालिङका एक पुरुष, , पोखराका एक पुरुष र एक महिला छन् । स्याङ्जाको वालिङ–१२ का ५८ वर्षीय पुरुषको लुम्बिनी मेडिकल कलेज पाल्पामा उपचारका क्रममा मृत्यु भएको छ । पोखरा–२५ का ९१ वर्षीय पुरुषको मेडिप्लस अस्पताल पोखरामा र पोखरा–१ का ५५ वर्षीया कोरोना संक्रमित महिलाको सोमवार मध्याह्न मेडिप्लस अस्पतालमा मृत्यु भएको हो ।
योसँगै गण्डकीमा कोरोना संक्रमणबाट मृत्यु हुनेको संख्या २ सय १५ पुगेको छ ।
