पर्बत , बैसाख-६, पर्बतमा बालिका बलात्कारको आरोपमा एक जना पक्राउ परेका छन् । जिल्लाको फलेवास नगरपालिका वडा न ७ बस्ने ५८ बर्षिया दुर्गाराज पाण्डे ७ बर्षकी बालिकालाई करणी गरेको आरोपमा पक्राउ परेका हुन् ।
पाण्डेले बालिकालाई गोठमा लगि ललाई फकाई जवरजस्ती करणी गरेको जिल्ला प्रहरी कार्यालय पर्वतले जनाएको छ । प्रहरीका अनुसार वैशाख २ गते बेलुकी अन्दाजी ६ बजेको समयमा पाण्डेले बालिकालाई बलात्कार गरेका थिए ।
बलात्कार गरी भाग्दै गरेको अवस्थामा पाण्डेलाई प्रहरीले फलेवास नगरपालिका वडा न ७ लमायखोलाबाट पक्राउ गरेको जनाएको छ । उनलाई प्रहरीले वैशाख ३ गते पक्राउ गरेको थियो ।
प्रहरीले प्रारम्भिक अनुसन्धान गरी अभियुक्त पाण्डेलाई जवरजस्ती करणी शीर्षकमा जिल्ला अदालतमा मुद्धा दर्ता गरीसकेको छ । घटनाको थप अनुसन्धान भइरहेको पर्बत प्रहरीले जनाएको छ ।
