दोहोरी गीत प्रतिष्ठान म्याग्दीको सांस्कृतिक महोत्सव स्थगन

म्याग्दी, चैत-२९, नयाँ बर्षको अवसरमा आयोजना गरिएको सांस्कृतिक महोत्सव स्थगन भएको छ । राष्ट्रिय लोक तथा दोहोरी गीत प्रतिष्ठान म्याग्दीले नयाँ वर्ष २०७८ को अवसरमा बैशाख १ देखि ३ गते सम्म बेनीको खुल्ला मन्चमा संस्कृतिक महोत्वसको आयोजना गरेको थियो ।

देशमा कोरोनाको संक्रमण बढ्दै गएको र २५ जना भन्दा बढी जम्मा नहुन सरकारले आग्रह गरेपछि कार्यक्रम स्थगन गर्नु परेको प्रतिष्ठानले बताएको छ । “हामीले सम्पूर्ण तयारी पुरा गरेका  थियौं तर केहि दिन देखि देशमा कोरोनाको संक्रमण बढ्न थालेपछि कार्यक्रम स्थगन हुन सक्ने अबस्था आउदछ भन्ने लागेको थियो र स्वास्थ्यको अवस्थालाई ख्याल गर्दै जिल्ला प्रशासन कार्यालय म्याग्दीले आग्रह  गरेपछि हामीले स्थगन गर्ने निर्णय गरेका हौँ “अध्यक्ष देबेन्द्र घिमिरेले बताए ।

प्रतिष्ठानले एक बिज्ञप्ती जारी गर्दै सबैलाई स्वास्थ्य मापदण्ड पालना गर्न अनुरोध गरेको र परिस्थिति सामान्य भएमा तुरुन्तै कार्यक्रम गर्ने जनाएको छ  ।