नेपाल पत्रकार महासंघको निर्वाचनमा पत्रकार सम्वद्ध ११ संगठनबीच गठबन्धन हुने भएको छ । काँग्रेस निकट प्रेस युनियनले महासंघको अध्यक्ष पाउने गरी शुक्रबार गठबन्धन निर्माणको सहमतिमा हस्ताक्षर भएको हो । काँग्रेस निकट प्रेस युनियन, माओवादी केन्द्र निकट प्रेस सेन्टर, एमालेको माधव नेपाल पक्षधर प्रेस चौतारी, जनमोर्चा निकट प्रगतिशील पत्रकार संघ, मोहन वैद्य नेतृत्वको क्रान्तिकारी माओवादीनिकट क्रान्तिकारी पत्रकार महासंघ लगायत ११ संगठनबीच चुनावी सहकार्यका लागि लिखित सहमति भएको हो ।
सहमति पत्रमा केपी ओलीको प्रतिगामी कदमविरुद्ध सहकार्यको निर्णय भएको उल्लेख छ । ‘महासंघको आसन्न निर्वाचनलाई प्रतिगामी कदमविरुद्ध स्पष्ट सन्देश दिने गरी सम्पूर्ण व्यवसायिक पत्रकारहरुबीच बृहत्तर एकता कायम गरी अगाडि बढ्न प्रेस युनियनको नेतृत्वमा आपसी सझदारी एवं एकता गर्ने प्रतिबद्धता व्यक्त गर्दछौ’, साझा प्रतिबद्धतामा भनिएको छ ।
