सबैको मन जब आफ्नै धुनमा थियो
कोरोना भाइरसले एक्कासी थकाई दियो
पृथ्वीमा कसैलाई कतै भाग्ने ठाउँ थिएन
त्रासमै मरे कति पानी पिउनई दिएन ।
विश्व ध्वस्त पार्छु भन्नेहरू पनि डराए
बरु पशुपन्छीहरु आफ्नै दुनियाँमा हराए
गरिबले गास जुटाउन सकेनन् संकटमा परे
बाध्यताले कतिले त आत्महत्या गरे ।
एक मान्छेदेखि अर्को मान्छेहरू नै तर्किए
आफ्नैले साथ दिएनन् आफन्तहरू नै झर्किए
हावा अनि पैसाबाट पनि सर्ने त्यो कस्तो कुरा
श्वासनली हुँदै फोक्सोमा गइ रोप्ने छुरा ।
यसले मान्छेका लक्ष्य अनि सपनामा कस्तो चुनौती थोपर्यो
स्वर्गजस्तै ठाउँहरुलाई मसानघाट गरायो
गर्नसम्म गर्यो ठुलो जन धनको क्षति
चीनले गरेको थियो यसको सुरुवाती खेती ।
जात भात भुले यहाँ नाता गोता भुले
पिन्जडाबाटै निस्किन्छौझैँ गरे लकडाउन खुले
लकडाउनपछि दुखसुख मानिसहरूले चलाउदै छन् गति
प्राणघातक नै भएपनि, कोरोनाले सुधार्यो मान्छेको मति ।
न्यु वेष्ट पोइन्ट आवासीय माविबाट २०७६ सालमा SEE उत्तीर्ण गरेकी
कृति रामदाम जेबियर इन्टरनेशनल कलेजमा कक्षा ११ मा अध्ययन गर्दै छिन
