फागुन २७, बागलुङको तमानखोला गाउँपालिकामा पिकअप भ्यान दुर्घटना भएको छ । दुर्घटनामा हुँदा एक जनाको घटनास्थलमै मृत्यु भएको छ । मृतकको परिचय खुलेको छैन् । घटनामा अन्य ५ जना गम्भीर घाइते भएका छन
दिउँसो गाउँपालिका बोंगादोभानबाट महभीर गाउँका लागि हिँडेको ग१ज ५७०५ नम्वरको पिकअप भ्यान महभीर नजिकैको भीरबाट खसेको हो । चालक सहित छ जना सवार भ्यान सडकबाट आन्दाजी दुईसय मिटर तल खसेको छ । घाईते मध्ये तीन जनालाई प्रभुको हेलिकप्टर मार्फत गण्डकी अस्पताल पोखरा पठाईएको गाउँपालिका अध्यक्ष जोकलाल बुढाले बताउनुभयो । बाँकी दुई जनाको समेत अवस्था गम्भिर रहेकाले दोस्रो पटक हेलिकप्टर बोलाएर अस्पताल पठाउने तयारी भैरहेको छ ।
उहाँले भन्नु भयो ‘यहाँको अबस्था दर्दनाक छ परिचय खोज्न भन्दा पनि उद्धारमा धेरै ध्यान दिएका छौं, सबैको शरिरका बिभिन्न ठाउँमा चोट लागेको छ, अवस्था गम्भिर छ ।’ साँघुरो सडक भएकोले भ्यान अनियन्त्रित भइ खसेको उहाँले बताउनुभयो ।
