पोखरामा लागु औषध सहित एक युवक पक्राउ परेका छन् । पर्वत कुश्मा नगरपालिका-३ बडडाँडा निवासी २२ वर्षीय मनोज कुँवर ठुलो मात्रामा लागुऔषधसहित पक्राउ परेका हुन् ।
शुक्रबार नारायणगढबाट बागलुङतर्फ जाँदै गरेको ग१ख ७८८३ नं को बस पृथ्वीराजमार्ग अन्तरगत पोखरा-२७ डाँडाकोनाकमा चेकजाँच गर्ने क्रममा लागुऔषधसहित उनलाई पक्राउ गरिएको हो ।
झोलाभित्र पत्रिकामा टेपले बेरेर राखेको अवस्थामा डाइजापाम ३४ एम्पुल, फेनारगन ३४ एम्पुल र नर्फिन ३४ एम्पुल बरामद गरिएको गण्डकी प्रदेश प्रहरी कार्यालय पोखराका प्रहरी वरिष्ठ उपरीक्षक मोहन प्रसाद पोखरेलले जानकारी दिनुभयो । घटनाका बारेमा अनुसन्धान भइरहेको छ ।
