बागलुङको तित्याङस्थित मनकामना मन्दिरमा चोरी

अज्ञात समूहले बागलुङको एक  मन्दिरमा चोरी गरेको छ । बागलुङ नगरपालिका-९ तित्याङको तीन लाख बराबरको सामान चोरी भएको हो ।  गएराती स्वामी डाँडास्थित मन्दिरबाट लाखौका सामान छोरि भएको मन्दिर ब्यबस्थापन समितिका अध्यक्ष टीकाराम थापाले जानकारी दिनुभएको छ ।

मन्दिरको ढोकाअघि राखिएको २५ किलोको एक थान, १० किलोको एक थान र ७ वटा अन्य साना घण्टी चोरी भएको छ ।त्यसैगरी  मूर्ति ढाकेको तामाको पाता, १० हजार नगद, तीस वर्षदेखि चढाउँदै आएको सिक्का पैसा, तामाको अङ्खोरा समेत चोरी भएको छ।

हिजो साँझ पुजारीले पूजा गरेर गएका थिए तर  आज बिहान जाँदा मन्दिरका सामग्री चोरी भएको पाइएको हो । चोर्न आउने व्यक्तिले मन्दिरमा रुमाल छोडेको बताइएको छ। चोर्ने व्यक्तिको खोजी भइरहेको बाग्लुंग प्रहरीले जनाएको छ ।