बर्दघाट सुस्ता पुर्व नवलपरासीको कावासोतीमा विद्यालयको मुल गेट पल्टदा गेटले च्यापिएर एक जना बालिकाको आज मंगलबार विहान एक बालिकाको ज्यान गएको छ ।
कावासोति नगरपालिका वडा नम्बर ५ स्थीत कालिका माध्यमिक विद्यालयको मुल गेट पल्टदा सोहि विद्यालयको कक्षा ३ मा अध्ययनरत १० वर्षीय बालिका गमित्रा सिंजालीको ज्यान गएको हो ।
विद्यालयको बार्षिकोत्सवको तयारी भईरहेको अवस्थामा एक्कासी घटना घटेको थियो । बालिकाको निधन भएपछि विद्यालयको बार्षिकोत्सव रोकिएको विद्यालयका प्रध्यानध्यापक लेखराज पोख्रेलले बताउनु भयो ।
त्यसैगरी सोही विद्यालयको कक्षा ४ मा पढने १० वर्षीय विस्मत ढकाल सामान्य घाईते भएको प्रहरीले जनाएको छ ।
करिब ७ बर्ष पुरानो गेट बेलैमा मर्मत नगर्दा घटना भएको र घटना लगतै बालिकालाई उपचारका लागि अस्पतालसम्म नपुर्याउदा मृत्यु भएको भन्दै बालिकाको आफन्तले विद्यालयप्रति असन्तुष्टी प्रकट गरेका छन् । गण्डकी प्रदेश प्रहरी कार्यालय पोखराका प्रहरी निरीक्षक गणेश पौडेलले घटनाको बारेमा अनुसन्धान भइरहेको जानकारी दिनुभयो ।
