बाघको आक्रमणबाट आइतबार एक महिलाको ज्यान गयो

कैलालीमा बाघको आक्रमणबाट आइतबार एक महिलाको मृत्यु भएको छ । पुष्पाञ्जली सामुदायिक वनमा  घाँस काट्न गएको समयमा गौरीगंगा नगरपालिका–५, अण्डैयाकी २५ वर्षीया कला धामीलाई बाघले आक्रमण गरेको हो ।

प्रहरीका अनुसार दिउँसो ३ बजे खबर आएपछि खोजतलासमा जुटेको प्रहरी टोलीले सवा ४ बजे ती महिलाको शव फेला पारेको थियो । जिल्ला प्रहरी कार्यालय कैलालीका प्रवक्ता एवं प्रहरी नायव उपरीक्षक प्रतीक विष्टका अनुसार घास काट्न गएको स्थानभन्दा केही पर उनको शव फेला परेको थियो ।