बेनी अस्पतालमा कार्यरत स्वास्थ्यकर्मी तुलसी आचार्यले जन्मदिनको अवसरमा परोपकारी संस्था ओमकुमारी शान्तिकोषलाई रु ५० हजार नगद सहयोग गर्नु भएको छ । जलजला गाउँपालिका–७ पर्वत निवासी आचार्यले संस्थाको पहिलो व्यक्तिगत गोल्ड संरक्षक प्राप्त गर्नु भएको हो । संस्थाले ५० हजार रकम प्रदान गर्ने सहयोग दातालाई गोल्डेन संरक्षक प्रदान गर्ने गरेको छ ।
आइतबार कोषको सचिवालयमा आयोजना गरिएको कार्यक्रममा कोषका अध्यक्ष शाक्यले सहयोगदाता आचार्यलाई संस्थाको पहिलो गोल्ड व्यक्तिगत संरक्षक सदस्यताको प्रमाणपत्र प्रदान गर्नुभयो । गरिब विपन्नहरुको उपचारमा सघाउन स्थापना गरिएको अक्षयकोषमा अहिलेसम्म १ करोड बढी रकम जम्मा भैसकेको र प्रतिबद्धता भए बमोजिमको रकम आउने क्रम जारी रहेको अध्यक्ष शाक्यले बताउनु भयो ।
कार्यक्रम कोषका अध्यक्ष शाक्यको अध्यक्षता, उपाध्यक्ष खम थापाको स्वागत र सह–सचिव सन्दीप खत्रीको सञ्चालनमा सम्पन्न भएको थियो कार्यक्रममा संस्थापक अध्यक्ष चन्द्रकुमार केसी, पत्रकार घनश्याम खड्काले मन्तव्य ब्यक्त गर्नु भएको थियो ।
