मदन पुरस्कार गुठीले चन्द्रप्रकाश बानियाँलाई यस वर्षको मदन पुरस्कार पोखरा मै आएर हस्तान्तरण गरेको छ । २०७६ सालको मदन पुरस्कार पोखरामै आएर हस्तान्तरण गरेको हो महारानी उपन्यासका लागि पुरस्कृत लेखक चन्द्रप्रकाश बानिया लेखक पोखरामा बस्दै आउनुभएको छ । कोरोना भाइरस रोग कोभिड १९ का कारण पुरस्कार निर्धारित समयमा अर्पण हुन सकेको थिएन ।
गुठीका अध्यक्ष कुन्द दीक्षितले लेखक बानियाँलाई आरती गर्दै ताम्रपत्र अर्पण गर्नु भएको थियो । बानियाँले स्वास्थ्यका कारण काठमाडौं पुग्न असमर्थता देखाएपछि गुठीले पोखरामै पुरस्कार अर्पणको निर्णय गर्नु भएका दीक्षीतले जनाउनुभयो ।
बानियाले कोरोना भाइरसले गुन लगाएको र अझै पुरस्कार दिन निवास मै आउने थाहा पाएको भए त म बेनी नै हुन्थे नि भन्नु भयो । म्याग्दीको बेनी नगरपालिकाका स्थायी बासिन्दा बानियाँ केही वर्षयता भने पोखरा बस्दै आउनु भएको छ । बानियाँले उपन्यास पनि पोखरामै बसेर लेखेको बताउनुभयो । महारानीबाहेक बानियाँका भौंज्याहासहित ४ वटा कृति प्रकाशित छन् । भौज्याले पनि रत्न गुठि पुरस्कार प्राप्त गरिसकेको छ ।
गुठीका अध्यक्ष कुन्द दीक्षितले लेखककै सहरमा पुरस्कार अर्पण गर्न पाएकोमा खुसी प्रकट गर्नुभयो । पोखराका कवि तीर्थ श्रेष्ठले कार्यक्रमका लागि विद्वत प्रवचन प्रेषित गर्नुभएको थियो ।
यसअघि पोखराका सरुभक्तले २०४८ सालमा पागल बस्तीका लागि , ‘मंगली कुसुम’ कीर्तिका लागि पोखराकै धर्मराज थापाले २०२५ सालमा मदन पुरस्कर जित्नु भएको थियो ।
सबैभन्दा पहिला मदन पुरस्कार पाउने पोखरेली लेखक मुकुन्दशरण उपाध्याय हुनुहुन्छ । उहाँको कृति प्राकृत पोखरा २०२१ सालमा पुरस्कत भएको थियो । गण्डकी प्रदेशबाट मदन पुरस्कार पाउने बानिया चौंथो लेखक बन्नुभएको छ ।
