जलजलाका एक युवाले जन्मदिनको अवसरमा विद्यार्थीलाई सहयोग गरेका छन् । जलजला गाउँपालिका वडा नम्बर ३ स्कुल चोक निवासी युवा समाजसेवी बबी जिसीले आफ्नो जन्मदिनको अवसरमा समाजकल्याण प्राथमिक विद्यालयमा कक्षा १ मा अध्ययन गर्ने एक छात्रालाई शैक्षिक सामाग्री तथा नगद प्रदान गरेका हुन् ।
जिसीले अभिभावक बिहिन आशा नेपालीलाई शैक्षिक सामाग्री नगद २००० सहित अभिभावकत्व ग्रहण गरेका छन् । शिक्षा प्रेमी जिसीले जन्मदिनको अवसरमा अनावस्यक खर्च गर्नु भन्दा यसरी विद्यार्थीलाइ सहयोग गर्दा आफ्नो सानो सहयोगले कसैको भविस्य निर्माणमा सहयोग पुग्ने बताए ।
विद्यालयमा आयोजित गोरख स्मृती दिवसको अवसरमा उनले सहयोग हस्तान्तरण तथा छात्रालाई अभिभाकत्व ग्रहण गरेका हुन् । जलजलामा जिसीको शिक्षा तथा अन्य समाजसेवाका कार्यमा अग्रसरता रहदै आएको छ ।
