कक्षा ११ मा नयाँ पाठ्यक्रम लागू गर्न बाटो खुलेको छ । नयाँ पाठ्यक्रम कार्यान्वयन नगर्न माग गर्दै परेको रिट सर्वोच्च अदालतले खारेज गरेसँगै नयाँ पाठ्यक्रम लागू गर्न बाटो खुलेको हो ।
मंगलबार न्यायाधीश तेजबहादुर केसी र प्रकाशकुमार ढुंगानाको संयुक्त इजलासले रिट खारेज गरेको हो ।
गणित विषयलाई उपेक्षा गरिएको भन्दै भागवता अर्याललगायतले रिट दायर गरेका थिए । रिट खारेज भएसँगै अब नयाँ पाठ्यक्रमअनुसार पठनपाठन हुनेछ ।
